Insani Khuraak [Human's Food]



Khuraak Food se insani jism ki banavat ka gehra naata hae .insani jism par jese Pani,Hawa aur mulk ke asarat hote hain hum par food bhi aese hi asar andaz hota hai. Hamare bas me nahi ke hum mulk aur pani wo hawa ko badal sake aur hum aesi zameen pani wo hawa me zindagi basar karne par majboor hote hain. job, property aur business, education ya maa baap ka saath hame ek hi jaga par rehne par majboor karta hai.


  • Bunyadi Khuraak [Basic Food]: 
 Insan ki bunyadi khuraak hain Gandum(gehu), 
Chana, Daalen(lentils) aur Chawal(Rice)



Upar jo food ya khuraak batlaya gaya hai wo to bilkul zaroori hai magar hamen apne mazey,taste aur Health ke liye bhi kuch doosre foods ki bhi zaroorat hoti hain ya yoon ke kuch foods aese bhi hote hain jinhe dekh kar ji lalchata hai aur insan unhe khane par majboor hojata hae un me phal aur sabziyaan wo mewa fruits sub se ahem hain.

Insan pehle soncha karta tha ke bunyadi khurak basic food ko chod dena aur unko khane me susti karna mumkin nahi magar ab is khayal ko bekar mana jata hae. Hum apni ghiza Halaat, tabiyat, mahol, aur mulk ke halaat ke hisaab se badal sakte hain aur aksar auqat unhe tabdeel kardene me koi burai ya nuqsan nahi hota. In foods ko hum apni marzi aur pasand se chunte hain. Market me tarah tarah ke foods maujod hote hain aur hame un foods ya ghizaon ke bare me pori jankari hona zarori hai isi tarah se hum un ghizaon se pora pora faida utha sakte hain.

Bimari ki halat me dawaon ka istemal ab hamari zarorat ban chuka hai ye dawa medicines alag alag fruits phal ke ras aur sabziyon ke hi hisse hain jo alag alag shaklon me khobsorat label lagakar hum tak pahunchaya jata hai. Medicines apni tezi aur effects se humko jald se jald sehet mand kardeti hai magar unka ghalat istemal bazwaqt bahut zyada side effect deta hai bilkul sabziyon asar bhi aese hi hota hai. sabziyan bazwaqt faeda deti hae aur kuch time par ghalat asar bhi kardeti hain halaanke sabziyan sehat mand cheez hi hain magar unka bhi ghalat istemal ya zyada istemal hame bimar bhi kardeta hai.

New research ne sabziyon me Vitamins, Salts aur minerals ka khazana khoja hae aur isi reseach ne sabziyon ki utilities ko medicines me badla hai. sabziyon aur phalon ka istemal hame apne nature aur temperament mizaj ke mutabiq karna chahiye.

Duniya me mukammil ghiza (complete food) teen  
cheezo ko kaha jata hai. in me jism e insani ke tameeer(build up) ke liye tamaam component maujud hote hain.


Wo teen cheezen niche batlaya hoon.


  • VITAMINS  
  • ROGHANIYAT (Chiknai) 
  • MINERALS



Doodh (milk), ande, aur machli me ye saare components hote hain.Ande se ek mukammil jism banta hai aur doodh bhi starting se jism ki parwarish karta hai aur starting age se baccha sirf doodh pi kar bada hota hai aur machli bhi insani jism ki ek mukammil ghiza hai.

Khajoor (Dates) aur aam (mango) wo pahl hain jo phaloon me sub se zyada taqatwar phal hain. Agar koi aadmi ek pao khajoor khale aur litre ya aadha litre doodh pee le to bahut zyada sehatmand aur tandurust rahega aur pora din bilkul healthy guzarega. Aur machli bhi paka kar reasonable quantity me khale to wo bhi insani jism ki mukammil tameer karti hai aur ye foods khane ke baad pore din apni energy ko badhane ke liye koi aur cheez ki zaroorat nahi rehti.

Hamare jism ko daily mehnat aur kaam karne ki wajah se kharch hone wali energy ko badhane ke liye koi na koi food ki zaroorat hoti hai aur ye food wo hota hai jin me protein ho take insani jism ki toot phoot mukammil hosake. insani jism ko vitamins ki bhi bahut zyada zaroorat hoti hai take jism ki kharch hui energy ko pura karsake. Insani jism ko salts aur minerals ki bhi zarorat bahut hoti hai.




Medicine ke specialists bahut saare vitamins batlae hain un me se mai kuch aapko easy aur aasan bhasha me batlaonga aur ye bhi likhunga ke konsi sabzi me kitne aur kaunse vitamins hote hain apne agle post me. wo padhne ke liye niche link diya hoon uspar click karke wo post padhlijiye aur apni knowledge me izafa kariye.....

click on link for.. Vitamins kya hai aur kis sabzi me kaunse vitamins hote hain
 What are Vitamins and what Vegetable contains
                                         which type of vitamins









Post a comment